भारत की संस्कृति के लिए... भाषा की उन्नति के लिए... साहित्य के प्रसार के लिए
प्रवेश / विमल निभा
Kavita Kosh से
नारायणहिटीमा प्रवेश गर्न
मलाई लाग्नेछ
पाँच रुपियाँ
पाँच सय वर्ष
पाँच हजार छटपटी
पाँच लाख भोक
र पाँच करोड अँध्यारो नाघेर
म प्रवेश गर्नेछु
नारायणहिटीको द्वार
पाँच अरब बाधा–व्यवधानले पनि
मेरो मार्ग
अवरुद्ध गर्न सक्ने छैन
जब पहरेदारले माग्नेछ
देऊ पाँच रुपियाँ
म भन्नेछु
मसँग त छन् केवल
पाँच वटा अभेद्य साहसहरु
म अवश्य प्रवेश गर्नेछु
नारायणहिटी
पाँच अक्षौहिणी प्रयत्नसहित
विजय नामको साथी
मेरो स्वागतका लागि
आतुर छ त्यहाँ
