भारत की संस्कृति के लिए... भाषा की उन्नति के लिए... साहित्य के प्रसार के लिए
बसंत गीत-2 / राजकुमार
Kavita Kosh से
साँसों में मलय बयार पलै
सजनी में सौ शृंगार पलै
पायल के रुनझुन में मताल
अल्हड़पन में कचनार पलै
साँसों मंे मलय बयार पलै
तन में पलास मन में हुलास
घिरलोॅ बसंत सें छै बतास
भरलोॅ सुवास छै आसपास
रति में यति के रतनार पलै
साँसों में मलय बयार पलै
छै अंग-अंग मधु सें मतंग
छै भ्रमित भंग पीबी अनंग
आँखीं में अजगुत राग-रंग
कली में अलि के गुँजार पलै
साँसों में मलय बयार पलै
मंजर सें आकुल छै उमंग
तन-मन मधुमासोॅ में तुरंग
चुनरी-चुनरी छै तंग-तंग
कोंपल-कोंपल कंसार पलै
साँसों में मलय बयार पलै
