भारत की संस्कृति के लिए... भाषा की उन्नति के लिए... साहित्य के प्रसार के लिए
लाय / प्रेमजी प्रेम
Kavita Kosh से
खुलता होटां पै
ऊंदी हथेली का दूनो
धरर
बरसां सूं
रोकबो छावूं छूं
पण
बार बार
बारै खड ज्या छै,
‘‘आता-आता’’,
‘‘घणी खम्मा-घणी खम्मा’’।
तू सरजन छै
तौ आ
म्हारा होटां पै लगा दै
टांका।
डरपै मत
कै
भीतर रहबा सूं
म्हारो पेट फुला देगा
‘‘आता’’, ‘‘घणी खम्मा’’।
जमाना भर में
‘‘आता-आता’’
‘‘घणी खम्मा-घणी खम्मा’’
करबा सूं
पेट को फूलबो
भलो छै
म्हूं बकरबो न्हं छांवूं
नाक की धूं कणी
फुला फुला’र
बारै खाडबो छांवू छूं
पीढ्यां को लावो।
ईं लावा की लाव में
भसम करबो छांवूं छूं
‘‘आता’’ अर ‘‘घणी खम्मा’’।
