भारत की संस्कृति के लिए... भाषा की उन्नति के लिए... साहित्य के प्रसार के लिए
आंण-जांण / चंद्रप्रकाश देवल
Kavita Kosh से
थारै सिधायां पूठै
रैय जावै म्हारै रतन आंगणै
थारी छूट्योड़ी सुंगधी छींयां रौ पसार
कंकू वरणा पगल्या जोय
म्हैं व्है जावूं आक-बाक
थूं आई
तौ पछै पगमंडणा रै मिस पाथर्योड़ौ मन
कोरौ कीकर छूटग्यौ
ओळूंपगी!
अैड़ा कांई पगल्या धरै
के आंण-जांण री ठाह ई नीं पड़ै
अर बायरी खासी ताळ धूजबौ करै।