का कहीं / अनिल ओझा 'नीरद'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

तार तार लूँगा बा, झूला बा, का कहीं ?
देहिं तोपल-ढांकल त मुश्किल बा,का कहीं??

माथ पर ईंटा, कबों सिरमिट के तागड़ी बा ।
आँखि में लोर,मन में पीरा बा, का कहीं ??

कबों-कबों,किस्मति के पत्थरो ऊ तूरति बा ।
मजदूरिनि ह,काम त करहीं के बा,का कहीं??

भर देहिं पसेना बा,कपड़ा बा लदर- फदर ।
झंखति बा,झुरवति बा,लड़ति बा, का कहीं??

जिनिगी से जूझति बा, बंजर जमीनि अइसन।
अपने ले नइखे नूँ,माइयो बा, का कहीं ??

फाटल लूगा-झूला से,जवान देहिं झांकि जाता।
बूढो मजूरा तक , निहारता, का कहीं ??

घोंट-घोंट खून पियत,दिन कइसो कटि जाता।
राति,जार-जार रोवत बीतत बा, का कहीं ??