भारत की संस्कृति के लिए... भाषा की उन्नति के लिए... साहित्य के प्रसार के लिए
खोज अर्को सम्भावना पागलपन / राजेश्वर रेग्मी
Kavita Kosh से
खोज अर्को सम्भावना पागलपन लिएर के गर्छौ
भनी दिन्छु साँचो कुरा, रित्तो मन लिएर के गर्छौ
त्यसो त साथ दिने अरु पनि भेटिने छन् तिमीलाई
रङ्गीन बगैंचा रोज, उजाड वन लिएर के गर्छौ
केही अर्थमा म पनि किनिदिन सकुँला सपनाहरु
हरदम् लीलाम हुने यो निर्धन लिएर के गर्छौ
न्यानो चाहिन्छ सबैलाई तिमी कहाँ अपवाद छौ र
सल्किएको मुटु एउटा दन् दन् लिएर के गर्छौ
भावुकता जहिल्यै पनि अनुकूल हुँदैन जिन्दगीको
फगत् कल्पनाको सङ्गीत छन्छन् लिएर के गर्छौ
