भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली अयोध्याकाण्ड पद 50 से 60/पृष्ठ 8
Kavita Kosh से
(57)
मुएहु न मिटैगो मेरो मानसिक पछिताउ |
नारिबस न बिचारि कीन्हौं काज, सोचत राउ ||
तिलकको बोल्यौ, दिये बन, चौगुनो चित चाउ |
हृदय दाड़िम ज्यौं न बिदर्यो समुझि सील-सुभाउ ||
सीय-रघुबर-लषन बिनु भय भभरि भगी न आउ |
मोहि बूझि न परत, यातें कौन कठिन कुघाउ ||
सुनि सुमन्त! कि आनि सुन्दर सुवन सहित जिआउ |
दास तुलसी नतरु मोको मरन अमिय पिआउ ||
