भारत की संस्कृति के लिए... भाषा की उन्नति के लिए... साहित्य के प्रसार के लिए
चौखूंटी ऊभ्या म्हे / ओम पुरोहित ‘कागद’
Kavita Kosh से
आप मारग दिखायो
उण माथै
जूण सारू कांटा भोत हा
म्हैं हामळ नीं भरी
उण मारग चालण री!
आगै जावां का लारै
इण दोघड़ चिंत्या में
चींत मगन बगना सा
ऊभ्या हा म्हे चौखूंटी
अचाणचक आप दी
जाड़ भींच फींच में
म्हें सूंएं माथै
कादै में धड़ांध
थोबी टिकाय दी!
अब
टिक्योड़ा हां
देखां थांरा चाळा
टमरक-टमरक
आप खोद रैया हो
म्हारै साम्हीं खाडा
बांध रैया हो पुळ
हामळियां सारू!
