भारत की संस्कृति के लिए... भाषा की उन्नति के लिए... साहित्य के प्रसार के लिए
जिन्दगी र म / सानु शर्मा
Kavita Kosh से
कहिले जिन्दगी मसँग झुट बोलिरहेछ
कहिले म जिन्दगीलाई ढाँटिरहेछु
कहिले ढाँडिनुको प्रतिफल भोगिरहेछु
कहिले ढाँट्नुको सजायँ काटिरहेछु ।
जिन्दगी लागिपरेको छ मलाई पछार्न
म
आफ्नो डेगमा अडिरहेछु
जिन्दगीसँग कसै गरी नहार्न ।
एकअर्कालाई पराजित गर्ने एकोहोरो होडमा
निरन्तर लागिरहेछौँ
एकअर्काका कमजोरी खोजिरहेछौँ ।
कहिले जिन्दगी मलाई खेदिरहेछ
कहिले म जिन्दगीलाई खेदिरहेछु
कहिले जिन्दगी मसँग भागिरहेछ
कहिले म जिन्दगीसँग भागिरहेछु ।
म सधैँभरी मौका खोजिरहेछु
उपयुक्त बेला पर्खिरहेछु
जिन्दगीलाई विजयी प्रहार गर्न
आफ्नो अधिनमा ल्याएर
मनले चाहेको रङ्ग भर्न ।
