भारत की संस्कृति के लिए... भाषा की उन्नति के लिए... साहित्य के प्रसार के लिए
तितली-2 / दिनेश बाबा
Kavita Kosh से
जानें कहां सें आबै तितली
सुन्दर पंख दिखाबै तितली
मोॅन तेॅ करथौं पकड़ी राखौं
छूथैं फुर्र उड़ि जाबै तितली
फूलोॅ पर बैठे छै जाय केॅ
पंख नै तब फैलाबै तितली
शलभ पंख फैलैनें रक्खै
सटलोॅ पंख लखाबै तितली
लागै छै मासूम बहुत ई
लेकिन पकड़ न आबै तितली
रंग बिरंगो पखना वाली
कत्तेॅ नेह जगाबै तितली
