भारत की संस्कृति के लिए... भाषा की उन्नति के लिए... साहित्य के प्रसार के लिए
तो म्हैं लिखूंला / नीरज दइया
Kavita Kosh से
देवता घट मांय आया
फरमायो चूक बाबत
हळबळो मचग्यो
हाथो-हाथ राजी कर्या।
ओळै-दोळै रैवतां थकां ई
आपां सूं अदीठ रैवै
देवी-देवता अर पितरजी
हरफ बारां फिरै उभराणां
जे नीं देवां आपां बां नै-
आपां रा सबद!
म्हारै होठां लारै हरफ
म्हारी मरजी मुजब है
म्हनै ना बांधो किणी आस सूं
आस तूट्यां घट मांय आवैला देवता
अर म्हैं लिखूंला-
एक कविता
अफंड सारू।
