भारत की संस्कृति के लिए... भाषा की उन्नति के लिए... साहित्य के प्रसार के लिए
पहला सपनमा / श्रीकांत शास्त्री
Kavita Kosh से
पहिला सपनमा गगनमा में घुरमई
कि सूतल सपनमा नयनमा में घुरमई
धेयनमा के नोखिया से सले खुलसावल
सुधिया के अंगुसी से तीन उकसावल
पीरे-पीरे टभ-टभ टभकल टिसिया से
गुपुत वेदनमा बचनमा में घुरमइ कि...।
हिरदा से इकसि के नयनमा में दरसल
नयनमा से रसे-रसे सपनमा में लहसल
सपनमा से सकुचि के पुतरी में पइसल
करून कमनमा परनमा में घुरमइ कि...।
एक चुरू पनिया में मीन जइसे आकुल
एक बून लोखा में ओइसहीं बेआकुल
लाज आउ सरमियाँ के कोतवा मैं संइतल
धानी के नयनमा धेयनमा में घुरमई
कि सूतल सपनमा नयनमा में घुरमई
