पापी जिभिया के कारण / उमेश बहादुरपुरी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

उमेश बहादुरपुरी » संगम »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

भूँजी-भूँजी खइलें मछलिया पापी जिभिया के कारण
मुख से न कइलें भजनियाँ पापी जिभिया के कारण
अपन बेटा के इंगलिश पढ़वइलें दोसर के मूड़ी कटबइलें
तेल-मसाला में ओकरा मिलाके जिभिया के चटवइलें
चाट-चाट करऽ हें फुटनियाँ पापी जिभिया के कारण
मुख ....
लख चउरासी भरम-भरम के मिललौ तोरा ई तनमा
माँस-मछलिया के चक्कर में तूँ बन गेलें बइमनमा
बेकार भेलौ तोहर जवनियाँ पापी जिभिया के कारण
मुख ....
राम-श्याम हे हीरा-मोती ओकरा तूँ ठुकरइलें
माया-मोह के चक्कर में जिनगी ब्यर्थ गँवइलें
कुच्छो छोड़ले निशनियाँ पापी जिभिया के कारण
मुख ....