भारत की संस्कृति के लिए... भाषा की उन्नति के लिए... साहित्य के प्रसार के लिए

बगरमा काँस फुल्यो / निमेष निखिल

Kavita Kosh से
यहाँ जाएँ: भ्रमण, खोज


बगरमा काँस फुल्यो सेतै देख्छु बगर पनि
यात्राबीच तिमी छुट्यौ शून्य देख्छु डगर पनि
 
परेवाले घुर्दा पनि बन्दुक पड्केजस्तो लाग्छ
रगतमै लतपतिएजस्तो देख्छु नगर पनि
 
पोल्टाबाटै विश्वास किन लुटिएको भान हुन्छ
आफैँतिर खसिरहेजस्तो देख्छु सगर पनि
 
जिन्दगीका डोरीहरु यति कमजोर भए आज
मृत्युबाहेक सबै झुठोजस्तो देख्छु खबर पनि।