भारत की संस्कृति के लिए... भाषा की उन्नति के लिए... साहित्य के प्रसार के लिए
बटाऊ रो गीत / कन्हैया लाल सेठिया
Kavita Kosh से
धर कूंचां भइ धर मजळां,
बंजर धरती पगां हळां!
क्यूं बिड़दावां फूलां नै ?
क्यूं बिसरावां सूलां नै ?
सगळां सागै मिलां रळां !
मारग बगता किंयां टळां ?
बैठा मन स्यूं करै धड़ा,
बां नै कोस घणां करड़ा,
निरथक सोचै कद निकळां ?
रै’सी लागी झड़ां झळां!
चालणियै नै बार कती ?
लागै, खाथी पून जती,
सुपनां नैणां, गीत गळां,
डूंगर लांघां समद दळां !
