भारत की संस्कृति के लिए... भाषा की उन्नति के लिए... साहित्य के प्रसार के लिए
बरैं अंधरू पड़उनू चबांय माई जी / बोली बानी / जगदीश पीयूष
Kavita Kosh से
बरैं अंधरू पड़उनू चबांय माई जी
पइसा आवा सरकारी
पुला बनै कै तयारी
होय हेरा फेरी जाने ना खोदाय माई जी
बरै अंधरू पड़उनू चबांय माई जी
आई एमेले कै निधि
खाइ लेइ कौन बिधि
गवा अपनौ निमरुआ मोटाय माई जी
बरैं अंधरू पड़उनू चबांय माई जी
होय अन्न कै खरीद
घाल मेल कै रसीद
मिलि बांटि बांटि खांय डेकरांय माई जी
बरैं अंधरू पड़उनू चबांय माई जी
आवे जब जब धन
बनि जाय करधन
गोरी पतली कमरिया पिराय माई जी
बरैं अंधरू पड़उनू चबांय माई जी