भारत की संस्कृति के लिए... भाषा की उन्नति के लिए... साहित्य के प्रसार के लिए
मौसमी कूकड़ा / मोहम्मद सद्दीक
Kavita Kosh से
दोलड़ी जीभ
जैरीली सांस
माथै में ग्यान रो गूमड़ो
पैरवां रै पोरां पर
ऊग्योड़ा भरूंटिया
आंख में अणत
काख में कुबाण
इसड़ै गुणाऊं
घड़ीज जड़ीज
मिनख री मांदगी रो
इलाज करणियां
आपां रै साथै रस्सै बस्सै।
कदै कदास आसै पासै
मौसम कूकड़ा बण
दिस रो बोध करावण खातर
कुरड़ी माथै खुरड़ा खोतरतां
मेलो कुचरतां
घणकरीक बार इणी भांत
जूण पूरी करतां करतां
टेम रो नेम भूल‘र बांग दे नाखै
सूंवीं सिंझ्या, आधी रात
पो फाटण री कुणसी बात।
