भारत की संस्कृति के लिए... भाषा की उन्नति के लिए... साहित्य के प्रसार के लिए
म्हारौ सैर / संजय आचार्य वरुण
Kavita Kosh से
म्हारलै सैर में
धरम रै नांव
लोई नीं बैवाइजै
हंसता खेलता घर
नीं उजाड़ीजै।
म्हारै सैर में
हवा में गंूजती अजान
अर चिरता भजन
अडीक राखै
एक दूसरै री
अर कदे कदे तो
रिळमिळ’र हुय जावै
एकाकार।
म्हे सिंज्या री
अजान सुण’र करां
मिन्दर में दीया बŸाी।
माथै ने खाली कर’र
आ कदे
म्हारलै सैर।
