भारत की संस्कृति के लिए... भाषा की उन्नति के लिए... साहित्य के प्रसार के लिए
समर्पण / बृजेन्द्र कुमार नेगी
Kavita Kosh से
मैला, फट्यां खुरदरा हाथ
मट्यणा, म्वल्यणा, खरस्यणा गात
खुचिली मा सिर्फ आंसु अर पीड़ा
खैरी ही जीवन कु एक मात्र रस्ता
जरा ईंकी निष्टा त देखा।
गुढ्यार मा बंध्या लैंदा-बैला गोर
द्वि पूली घास कु अट्क्द धार-धार
सासु की गाली अर पतरोल कु डौरल
जम्मा नि दयख्दी भ्याल अर पाखा
जरा ईंकी हिम्मत त देखा।
पुंगडी-पटल्यूँ की धाण-धंदा
नौना-बालों की अलग घिम्साण
द्वि बक्ता कि चुल्हा कि हलंकार
निकज्जू आदिम कि हालत खस्ता
फिर भी इंकू समर्पण त देखा।
