भारत की संस्कृति के लिए... भाषा की उन्नति के लिए... साहित्य के प्रसार के लिए
सरहद जे पार / अर्जुन ‘शाद’
Kavita Kosh से
सरहद जे पार मुंहिंजी नज़र खे उॾणु ॾियो
असली वतन जी भी न ज़मीन खे ॾिसणु ॾियो!
हिन रूह जी कड़ीअ खे न वर्से खां काटिजो
फथिकी रही आ क़ौम इन्हीअ खे जीअणु ॾियो!
हस्तीअ जे गुम थियण जो न पैदा गुमान थिए
मुंहिंजे कननि में ‘शाह’ जी ॿोली ॿुरणु ॾियो!
सिंधूअ जी धारा धार रही कान थी सघे
सारी नदीअ जे आब खे झर झर वहणु ॾियो!
हिकड़ी बहार, हिकड़ी खि़जां, गम-खुशी बि हिक
हिकड़ी ई ज़िन्दगीअ खे न टुकरा थियणु ॾियो!
हर फ़र्द जे निराड़ ते हर क़ौम जो निशान
‘सिंधियुनि’ में मूंखे सिंधु जी सूरत पसणु ॾियो!
अहसान कदीम शम्मा जा साक़ीअ जे हुस्न ते
महफ़िल में पूरो ज़िक्र असां जो थियणु ॾियो!
