भारत की संस्कृति के लिए... भाषा की उन्नति के लिए... साहित्य के प्रसार के लिए
રંગ મોરલીએ / પિનાકિન ઠાકોર
Kavita Kosh से
રંગ મોરલીએ રે રંગ મોરલીએ,
મોરલીએ ઘેલા કીધાં ઘનશ્યામ
અમને ઘેલા કીધાં ઘનશ્યામ.
વનરાતે વનની વાટે કાનુડા તારી
વ્રેહ ભરી વાંસળી વાગે,
કાંઠે કદંબની કળીઓ કળીઓ ઝુરતી ઝુરતી જાગે,
હો ઝબકી જાગ્યું ગોકુળિયું ગામ. અમને ઘેલાં0
જમુનાનાં નીર તે ઝંપે ઘડીક ના
ઉછળી ઉછળી આવે,
ધેનુનાં ધણ તે ઊભાં થંભીને
કોણ વેણુ તે વાઈને બોલાવે,
હો વાયરામાં વહેતું આવે તારું નામ. અમને ઘેલાં0
ઘેલા ગોવાળિયા ગોતી રહ્યા છે
કાનો વેણુ વગાડે કંઈ કુંજે,
વનવનમાં જનજનના હૈયે છુપાઈ છાનો
બંસીના બોલ એવા ગુંજે;
કે ભુલવ્યાં દેવોને દુર્લભ ધામ. અમને ઘેલાં0
