भारत की संस्कृति के लिए... भाषा की उन्नति के लिए... साहित्य के प्रसार के लिए
अकथ निबळा बोल / प्रमोद कुमार शर्मा
Kavita Kosh से
आशिष पुरोहित (चर्चा | योगदान) द्वारा परिवर्तित 14:00, 18 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=प्रमोद कुमार शर्मा |संग्रह=बोली तूं सुरतां / प्र…)
हे सुरतां !
म्हारा अकथ निबळा बोल
कैवूं म्है किण सूं
नीं सुझै कान
मायड़ ! तूं तो आडौ खोल !
काम अरथ रौ मुळ है
अरथ मूळ है मोख !
मोख मूळ है धरम रौ
धरम मूळ है तूं !
बंध्यौड़ी कामधेनु
महलां री पिरौळ
बोल....!
लाल चून्दड़ी वाळी म्हारै सुपनां री छियां
कथूं म्है किण बिध
राज औ गै‘रौ !
हे सुरतां !
म्हारा अकथ निबळा बोल !
