भारत की संस्कृति के लिए... भाषा की उन्नति के लिए... साहित्य के प्रसार के लिए
गोळी / प्रमोद कुमार शर्मा
Kavita Kosh से
आशिष पुरोहित (चर्चा | योगदान) द्वारा परिवर्तित 16:56, 21 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=प्रमोद कुमार शर्मा |संग्रह=बोली तूं सुरतां / प्र…)
कारीगर !
म्हूं सगळी दुकानां अर
कारखानां पर भटक‘र
थारै तांई आयौ हूं !
सुण !
मूं म्हारौ ऐक काम कर दे
ओ लै पिस्तौल
देख इण री नाळ
अर नाप लेय‘र
बणा दे ऐक गोळी !
पण
म्हारी एक सरत है
कै इण गोळी स्यूं
मरणा चाइजै
सिर्फ एक ही धरम रा लोग !
अर बो धरम है
.................
कांई हुयो कारीगर ?
म्हारौ मुण्डो क्यूं तकोवै है ?
कारीगर ! ओ कारीगर !
