भारत की संस्कृति के लिए... भाषा की उन्नति के लिए... साहित्य के प्रसार के लिए
हवा री तासीर / भंवर भादाणी
Kavita Kosh से
आशिष पुरोहित (चर्चा | योगदान) द्वारा परिवर्तित 17:24, 5 जनवरी 2011 का अवतरण (नया पृष्ठ: {{KKGlobal}} {{KKRachna |रचनाकार=भंवर भादाणी |संग्रह=थार बोलै / भंवर भादाणी }} [[Catego…)
तुतलावण रै सागै
औ जाण्यौ
अन्धारे रौ भी आपरो रंग
जाण्यौ-पैचाण्यौ
ऊगते सूरज नै देख‘र
औ जाण्यौ
रोसनी रौ काम है -
अन्धेरो चाटणौ
पगां ताण चालतां
काळी पाटी माथै
क ख ग लिखतां
पैचाण्यौ
हरफां रौ काळे माथै उभरणो
डगमगाता पगा सूं
घर पिछवाड़ै
म्है-खुद
फुसफुसावतां फूलां नै सुण्या
कै-आदत है
अन्धेरे री
पांखड़यां नौचणौ
पण
तासीर है
ताजा हवा री
बपरांवती जावै जूंण !
