भारत की संस्कृति के लिए... भाषा की उन्नति के लिए... साहित्य के प्रसार के लिए
फेर रिसाणा व्हेग्या लोग / सत्येन जोशी
Kavita Kosh से
Neeraj Daiya (चर्चा | योगदान) द्वारा परिवर्तित 03:50, 1 फ़रवरी 2011 का अवतरण (नया पृष्ठ: {{KKGlobal}} {{KKRachna |रचनाकार=सत्येन जोशी |संग्रह= }} Category:मूल राजस्थानी भाषा {{K…)
फेर रिसाणा व्हेग्या लोग
किण संचै में ढळग्या लोग
निजरां तेज सूझणी अकलां
पण खाडै में पड़ग्या लोग
म्हां तौ एक आंख फेरी ही
बस इतरै में डरग्या लोग
घोड़ा मोलावण सूं पैला
आपस में कट मरग्या लोग
म्हां तो आन बान पर कटग्या
लाज सरम नै चरग्या लोग
विस रा दांत कदै का खिरग्या
फूंफाड़ै सूं डरग्या लोग
