भारत की संस्कृति के लिए... भाषा की उन्नति के लिए... साहित्य के प्रसार के लिए
स्वयम्वर-कथा (रामचन्द्रिका से) / केशवदास
Kavita Kosh से
Vaibhav Kumar Nain (चर्चा | योगदान) द्वारा परिवर्तित 14:24, 16 अप्रैल 2011 का अवतरण
सव्याम्वर-कथा
[दोहा]
खंड्परस को सोभिजे, सभामध्य कोदंड।
मानहुं शेष अशेष धर, धरनहार बरिबंड।।१।।
[सवैया]
सोभित मंचन की आवली, गजदंतमयी छवि उज्जवल छाई।
ईश मनो वसुधा में सुधारि, सुधाधरमंडल मंडि जोन्हई।।
तामहँ केशवदास विराजत, राजकुमार सबै सुखदाई।
देवन स्यों जनु देवसभा, सुभ सीयस्वयम्वर देखन आई।।२।।
[घनाक्षरी]
पावक पवन मणिपन्नग पतंग पितृ,
जेते ज्योतिविंत जग ज्योतिषिन गाए है।
असुर प्रसिद्ध सिद्ध तीरथ सहित सिंधु,
केशव चराचर जे वेदन बताए हैं।
अजर अमर अज अंगी औ अनंगी सब,
बरणि सुनावै ऐसे कौन गुण पाए हैं।
सीता के स्वयम्वर को रूप अवलोकिबे कों,
भूपन को रूप धरि विश्वरूप आयें हैं।।३।।
[सवैया]
सातहु दीपन के अवनिपति हारि रहे जिय में जब जानें।
