भारत की संस्कृति के लिए... भाषा की उन्नति के लिए... साहित्य के प्रसार के लिए
आकां माथै हरयाळ्यां / राजेन्द्र स्वर्णकार
Kavita Kosh से
अनिल जनविजय (चर्चा | योगदान) द्वारा परिवर्तित 23:45, 28 अप्रैल 2011 का अवतरण
आकां माथै हरयाळ्यां
सूखै तुलछी री डाळ्यां
गंगाजी नै गाळ अबै
पूजीजै गंदी नाळ्यां
थोर हंसै गमला में, अर
खेत सडै सिट्टा बाळ्यां
अबै अमूझो - अंधारो
करै झरोखा अर झाळ्यां
गिणै न बायां - बेट्यां नै
अधमां रै टपकै लाळ्यां
माथो जठै पीटणो व्है
लोग बठै पीटै ताळ्यां
आं रो कीं करणो पडसी
राजिंद, नीं चालै टाळ्यां
