भारत की संस्कृति के लिए... भाषा की उन्नति के लिए... साहित्य के प्रसार के लिए
राम-नाम-महिमा / तुलसीदास/ पृष्ठ 10
Kavita Kosh से
Dr. ashok shukla (चर्चा | योगदान) द्वारा परिवर्तित 16:27, 8 मई 2011 का अवतरण (नया पृष्ठ: {{KKGlobal}} {{KKRachna |रचनाकार=तुलसीदास }} {{KKCatKavita}} Category:लम्बी रचना {{KKPageNavigation |पीछे=र…)
राम-नाम-महिमा-9
(107)
मेरें जाति -पाँति न चहौं काहूकी जाति-पाँति,
मेरे कोऊ कामको न हौं काहूके कामको ।
लोक परलोकु रघुनाथही के हाथ सब,
भारी है भरोसो तुलसीके एक नामको।
अति ही अयाने उपखानो नहिं बूझै लोग,
‘साह ही को गोतु होत हे गुलामको।।
साध्ुा कै असाधु , कै भलो कै पोच’, सोचु कहा,
का काहूके ,द्वार परौं? जो हौं रामको।।
(108)
कोउ कहै , करत कुसाज, दगाबाज बड़ो,
कोऊ कहै रामको गुलामु खरो खूब है।
साधु जानैं महासाधु , खल जानैं महाखल,
बानी झूँठी-साँची कोटि उठत हबूब है।
चहत न काहूसों न कहत काहूकी कछू ,
सबकी सहत , उर अंतर न ऊब है।
तुलसी को भलो पोच हाथ रधुनाथही के,
रामकी भगति-भूमि मेरी मति दूब है।।
