भारत की संस्कृति के लिए... भाषा की उन्नति के लिए... साहित्य के प्रसार के लिए
म्हैं दपट’र राखी है / नीरज दइया
Kavita Kosh से
Neeraj Daiya (चर्चा | योगदान) द्वारा परिवर्तित 04:44, 9 मई 2011 का अवतरण (नया पृष्ठ: {{KKGlobal}} {{KKRachna |रचनाकार= नीरज दइया |संग्रह=साख / नीरज दइया }} [[Category:मूल राजस्…)
थारी ओळूं
हाल तांई भूली कोनी
म्हारै तांई पूगण रो मारग
थूं म्हनै नीं बिसराय सकै।
म्हैं दपट’र राखी है
म्हारै सुपनां भेळै
थारी उडीक।
सींवां सदीव बदळी
अर कीं बदळ्या आपां
पण इण बदळाव मांय
नीं बदळी म्हारै खातर
थारी छिब
जे बदळ जांवती
तो पांतर जांवती ओळूं
म्हारै तांई पूगण रो मारग।
