भारत की संस्कृति के लिए... भाषा की उन्नति के लिए... साहित्य के प्रसार के लिए
पद 57 से 70 तक /पृष्ठ 7
Kavita Kosh से
Dr. ashok shukla (चर्चा | योगदान) द्वारा परिवर्तित 17:15, 28 मई 2011 का अवतरण (नया पृष्ठ: {{KKGlobal}} {{KKRachna |रचनाकार=तुलसीदास |संग्रह= गीतावली/ तुलसीदास }} {{KKCatKavita}} [[Category…)
63
ये अवधेसके सुत दोऊ |
चढ़ि मन्दिरनि बिलोकत सादर जनकनगर सब कोऊ ||
स्याम गौर सुन्दर किसोर तनु, तून-बान-धनुधारी |
कटि पट पीत, कण्ठ मुकुतामनि, भुज बिसाल, बल भारी ||
मुख मयङ्क, सरसीरुह लोचन, तिलक भाल, टेढ़ी भौंहैं |
कल कुण्डल, चौतनी चारु अति, चलत मत्त-गज-गौंहैं ||
बिस्वामित्र हेतु पठये नृप,इनहि ताडुका मारी |
मख राख्यो रिपु जीति, जान जग, मग मुनिबधू उधारी ||
प्रिय पाहुने जानि नर-नारिन नयननि अयन दये |
तुलसिदास प्रभु देखि लोग सब जनक समान भये ||
