सुण बर्बरीक / सत्यदीप

जद जद लड़सी
धरती जाया
सुवारथा रा नरमेध
चाइजसी बाने
सचे झूट री /झूटे साच री
गवाही रा
छल छंद
तोड्सी लड़ाया तेवड नीया
रिश्ते रा सिगला तागा
पोमासी तन्ने
बलिदान रे समचे
देह त्याग सारु/काट लेसी
थारो सिर
टिका देसी ऊँचे डूंगर री
टेकरी माथे
ऐ नरमेध लड़ाका
ख्प्या पाछे मानखो
पुछ्सी आय तन्ने
संच रो सबूत
ओ सिग्लो नरमेध
 टिक्यो है थारे कटे
सिर री गवाही माथे
सुण बर्बरीक