भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली पद 71 से 80 तक/ पृष्ठ 8
Kavita Kosh से
Dr. ashok shukla (चर्चा | योगदान) द्वारा परिवर्तित 16:08, 29 मई 2011 का अवतरण (नया पृष्ठ: {{KKGlobal}} {{KKRachna |रचनाकार=तुलसीदास |संग्रह= गीतावली/ तुलसीदास }} {{KKCatKavita}} [[Category…)
(78)
राग सारङ्ग
जबतें राम-लषन चितए, री |
रहे इकटक नर-नारि जनकपुर, लागत पलक कलप बितए, री ||
प्रेम-बिबस माँगत महेस सों, देखत ही रहिये नित ए, री |
कै ए सदा बसहु इन्ह नयनन्हि, कै ए नयन जाहु जित ए, री ||
कौऊ समुझाइ कहै किन भूपहि, बड़े भाग आए इत ए री |
कुलिस-कठोर कहाँ सङ्कर-धनु, मृदुमूरति किसोर कित ए, री ||
बिरचत इन्हहिं बिरञ्चि भुवन सब सुन्दरता खोजत रित ए, री |
तुलसिदास ते धन्य जनम जन, मन-क्रम-बच जिन्हके हित ए, री ||
