भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली पद 81 से 90 तक /पृष्ठ 5
Kavita Kosh से
Dr. ashok shukla (चर्चा | योगदान) द्वारा परिवर्तित 15:49, 31 मई 2011 का अवतरण (नया पृष्ठ: {{KKGlobal}} {{KKRachna |रचनाकार=तुलसीदास |संग्रह= गीतावली/ तुलसीदास }} {{KKCatKavita}} [[Category…)
(85)
भूपति बिदेह कही नीकियै जो भई है।
बड़े ही समाज आजु राजनिकी लाज-पति,
हँाकि आँक एक ही पिनाक छीनि लई है।1।
मेरो अनुचित न कहत लरिकाई-बस,
मन परमिति और भाँति सुनि गई है।
नतरू प्रभु -प्रताप उतरू चढ़ाय चाप,
देतो पै देखाइ बल, फल , पापमई है।2।
भूमिके हरैया उखरैया भूमिधरनिके,
बिधि बिरचे प्रभाउ जाको जग जई है।
बिहँसि हिये हरषि हटके लषन राम,
सोहत सकोच सील नेह नारि नई है।3।
सहमी सभा सकल , जनक भये बिकल,
राम लखि कौसिक असीस-आग्या दई है।
तुलसी सुभाय गुरूपँाय लागि रघुराज,
ऋषिराजकी रजाइ माथे मानि लई है।4।
