भारत की संस्कृति के लिए... भाषा की उन्नति के लिए... साहित्य के प्रसार के लिए
बरवै रामायण / तुलसीदास/ पृष्ठ 11
Kavita Kosh से
Dr. ashok shukla (चर्चा | योगदान) द्वारा परिवर्तित 14:23, 24 अगस्त 2011 का अवतरण (नया पृष्ठ: {{KKGlobal}} {{KKRachna |रचनाकार=तुलसीदास }} {{KKCatKavita}} Category:लम्बी रचना {{KKPageNavigation |पीछे= ब…)
हिन्दी शब्दों के अर्थ उपलब्ध हैं। शब्द पर डबल क्लिक करें। अन्य शब्दों पर कार्य जारी है।
( बरवै रामायण उत्तरकांण्ड/पृष्ठ-1)
( पद 43 से 50 तक)
चित्रकूट पय तीर सो सुरतरू बास ।
लखन राम सिय सुकतरहु तुलसीदास।43।
पय नहाय फल खाहु परिहरिय आस ।
सीय राम पद सुमिरहु तुलसीदास।44।
सवारथ परमारथ हित एक उपाय।
सीय राम पद तुलसी प्रेम बढ़ाय।45।
काल कराल बिलोकहु होइ सचेत।
राम नाम जपु तुलसी प्रीति समेत।46।
संकट सोच बिमोचन मंगल गेह।
तुलसी राम नाम पर करिय सनेह।47।
कलि नहिं ग्यान बिराग न जोग समाधि ।
राम नाम जपु तुलसी नित निरूपाधि।48।
राम नाम दुइ आखर हियँ हितु जानु।
राम लखन सम तुलसी सिखब न आनु।49।
माय बाप गुरू स्वामि राम कर नाम।
तुलसी जेहि न सोहाइ ताहि बिधि बाम।50।
इति बरवै रामायण उत्तरकांण्ड/पृष्ठ-1
