भारत की संस्कृति के लिए... भाषा की उन्नति के लिए... साहित्य के प्रसार के लिए
थूं-3 / रामेश्वर गोदारा ग्रामीण
Kavita Kosh से
Neeraj Daiya (चर्चा | योगदान) द्वारा परिवर्तित 04:46, 6 सितम्बर 2011 का अवतरण (नया पृष्ठ: {{KKGlobal}} {{KKRachna |रचनाकार=रामेश्वर गोदारा ग्रामीण |संग्रह= }} {{KKCatMoolRajasthani}} {{KK…)
थूं माटी
म्हैं कुम्हार
थां मांय थरपिज्या
म्हारी कळपनांवां रा रंग-राग
मंड्या-मांडणा
रूप लिन्यौ अकूत आकरत्यां
पण स्यात
थूं नी जाणै
थां रै ई पाण-ताण
सधिया म्हारा हाथ
अर
अबार ई सीख्यौ है
गुढाळियां सूं उठनै
थड़ी करणौ
अधरै-अधरै पग धरणौ
आ म्हारी माटी
म्हैं थनै संवारूं
थूं म्हनै संवार।
म्हैं जाबक अणघड़ पाथर
थूं दूधां धोई धार
म्हैं थनै संवारूं
आव
थूं म्हनै संवार।
