भारत की संस्कृति के लिए... भाषा की उन्नति के लिए... साहित्य के प्रसार के लिए
रूंख जीवण री सांस / कुंजन आचार्य
Kavita Kosh से
Neeraj Daiya (चर्चा | योगदान) द्वारा परिवर्तित 05:35, 16 मई 2013 का अवतरण
फैक्ट्री रा भूंगळा
मोटरां रा इंजन
अर दमघोटूं गैसां रो औतार
सांस लेवणो अबखो है किरतार।
काळो-काळो धूंवो
आंख्यां नैं आंधो
अर सरीर नैं मांदो कर रैयो है।
ऑक्सीजन बापड़ी
कम अर कम व्हैती जाय रैयी है।
नाक, सांस, फेफड़ा अर दिल
धुंवाड़ा री बिमारियां बधती जाय रैयी है।
रूंखड़ा काटतां
हाथ नीं धूजै
नवा पौध लगावा री बात माथै
सब अठी-उठी झांकै।
हरियाळी हरि रो दूजो नांव
अर रूंखड़ा में है जीवन रो वास
एक रूंख हरेक लगावो
रूंख जीवण री सांस है।
आओ! रूंख लगावां
रूंख है जीवण री सांस।
