भारत की संस्कृति के लिए... भाषा की उन्नति के लिए... साहित्य के प्रसार के लिए
रिपिया रूंखड़ा पे नीं लागै / कुंजन आचार्य
Kavita Kosh से
Neeraj Daiya (चर्चा | योगदान) द्वारा परिवर्तित 05:54, 16 मई 2013 का अवतरण
धीरै-धीरै
बधता-बधता
म्हां करोडां नैं पार करग्या।
आबादी बधती रैयी
संसाधन घटता गया
अर म्हां आंख मींच नैं
बैठा रैया किणी आस में
सरकार रो मूंडो ताकता रैया
कै सरकार म्हांरी उद्धारक है।
सरकार कैवै कै
रिपिया रूंखड़ा पे नीं लागै।
नौकर्यां ई रूंखड़ां पे नीं लाग रैयी है।
नवी पीढी भण लिख’र
नौकरी पाछै थाक रैयी है।
रोजगार रा कम औसर
मन में रोळो घालै।
बधती जनसंख्या नैं
किण ढाळै संभाळै।
स्वरुजगार, आपणो हुनर
चोखो अर ठावो है
भणावो-लिखावो पण
टाबरियां नैं आ बात ई बतावो।
