मां अर म्हैं /अंकिता पुरोहित

हिन्दी शब्दों के अर्थ उपलब्ध हैं। शब्द पर डबल क्लिक करें। अन्य शब्दों पर कार्य जारी है।

मां कद झलाया
सगळा बरत
ठाह नीं पण करूं
म्हैं नेम सूं,
बरत री कथावां
मां रै कंठां सूं निकळ’र
कद बसगी म्हारै कंठां
है ज्यूं री ज्यूं
ठाह ई नीं पड़ी!
 
जित्ता गीत
मां नैं आवै
बित्ता ई आवै म्हनैं
बियां ई जुड़ै जाड़ा
बियां ई दूखै माथो
बियां ई चालै पगां में रीळ
बियां ई जीमूं
सगळां रै जीम्यां पछै!
 
मां !
थूं कद बैठगी
ऊंडै आय’र म्हारै
है ज्यूं री ज्यूं?