असाढ़ / सतीश्वर सहाय वर्मा ‘सतीश’

पहिल असाढ़ नयन-नभ सोभे घन बदरी के कजरा
तलफत धरती के गरवा में बूँद-फूल के गजरा।।

तावा में छउँकल पानी जस बूँद-बूँद छितराइल
गरम-गरम फुटहा धरती के कन-कन आजु सोंधाइल
डगर-डगर पानी डगरल अन जइसे भर डगरा।।

मह-मह महके जूही बेली अउरु झरल गुलमुहर
अझुराइल हरिअर साड़ी में धरती लागे फूहर
हलुक हवा में डोलि रहल बा गुलमेंहदी के अँचरा।।

कागज के नइया में मन के दुलहिन दहत फिरेली
नॉव पिया के गाँव रुकल बा बरखा सजल हवेली
मिलन साँझ में झनकल झिंगुर झिहसल झमझम अदरा।।

मिरकडाह में दाह उठल, स्वाती में जल के पाँती
भगजोगनी के भुकलुक अइसन जरत-बुझत बा छाती
भदरा लागत बा जिनगी में, चैन ना लेवे बदरा।।

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

असाढ़ / सतीश्वर सहाय वर्मा ‘सतीश’

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग