भारत की संस्कृति के लिए... भाषा की उन्नति के लिए... साहित्य के प्रसार के लिए
नजरिया के बतिया नजरिया से कहि द / दिनेश 'भ्रमर'
Kavita Kosh से
Mani Gupta (चर्चा | योगदान) द्वारा परिवर्तित 21:00, 30 सितम्बर 2013 का अवतरण ('{{KKGlobal}} {{KKRachna |रचनाकार=दिनेश 'भ्रमर' |अनुवादक= |संग्रह= }} {{KKC...' के साथ नया पन्ना बनाया)
नजरिया के बतिया नजरिया से कहि द
ना चमके सोनहुला किरनिया से कहि द
नयन में सवनवाँ बनल बाटे पाहुन
सनेसवा जमुनिया बदरिया से कहि द
लिलारे चनरमा के टिकुली बा चमचम
लुका जाय कतहूँ अन्हरिया से कहि द
न आवेले सब दिन सुहागिन ई रतिया
तनी कोहनाइल उमिरिया से कहि द
नयन के पोखरिया भइल बाटे लबलब
ना छलके भरलकी गगरिया से कहि द
