भारत की संस्कृति के लिए... भाषा की उन्नति के लिए... साहित्य के प्रसार के लिए
तेज रै परवाण / राजूराम बिजारणियां
Kavita Kosh से
आशिष पुरोहित (चर्चा | योगदान) द्वारा परिवर्तित 21:09, 16 अक्टूबर 2013 का अवतरण ('{{KKGlobal}} {{KKRachna |रचनाकार=राजूराम बिजारणियां |संग्रह=चाल भ...' के साथ नया पन्ना बनाया)
पड़ाल री ओट
खड़ी रेत.!
हेत रा फूटता
अलेखूं झरणां
लुक-लुक जोवै
टेढी निजरां
जीव री जड़ नै।
मन में भर उडार
चावै जावणो
नैण मिलावणो।
भतूळियो-
तेज रै परवाण
नीं बस में हरेक रै
झेलणो उण री झळ नै।
स्यात-
इण सारू रेत
दबावती हेत
चावै नीं उडणो
फटकारै सूं।
रेत री नीत
उडणो नीं
दुड़णो नीं
होय अेक
साथै साथै मुड़णो है.!
