भारत की संस्कृति के लिए... भाषा की उन्नति के लिए... साहित्य के प्रसार के लिए
आंगणैं रो हक / राजूराम बिजारणियां
Kavita Kosh से
आशिष पुरोहित (चर्चा | योगदान) द्वारा परिवर्तित 21:19, 16 अक्टूबर 2013 का अवतरण ('{{KKGlobal}} {{KKRachna |रचनाकार=राजूराम बिजारणियां |संग्रह=चाल भ...' के साथ नया पन्ना बनाया)
चेतन कर चूल्हो
झोवै चाकी
चंचेड़ै ऊणां-खूणां
जगाणै आंगणैं नै।
डांगर खोल खूंटा
देवै बांटो
आंख फुरतां
भर ल्यावै गूणियों
दूध रो
मुंधारै।
फळसै नै बतावै सींव
बाखळ नै
सिखावै मिजमानी
थळी नै देंवती संस्कार
बांध्यां राखै पल्लै
सगळां रै पांती री चिंतावां
म्हारी मा.!
म्हैं देवूं
गैड़ा माथै गैड़ा
तिबारी अर आंगणैं बिचाळै
मा रै ओळावै।
मा होवण रो मतळब
आंगणैं रो हक है.!
