भारत की संस्कृति के लिए... भाषा की उन्नति के लिए... साहित्य के प्रसार के लिए
मिथिला नगरिया में अइलन दूनू भइया / महेन्द्र मिश्र
Kavita Kosh से
Mani Gupta (चर्चा | योगदान) द्वारा परिवर्तित 06:45, 22 अक्टूबर 2013 का अवतरण ('{{KKGlobal}} {{KKRachna |रचनाकार=महेन्द्र मिश्र |अनुवादक= |संग्रह...' के साथ नया पन्ना बनाया)
मिथिला नगरिया में अइलन दूनू भइया,
खबरिया सगरो भइलें हो राम। खबरिया.....
हाथ में धेनुहिया सोभे माथे पर झुलुफिया,
लिलरिया उनकर चमके हो राम। लिलरिया.....
चारों ओर फिरि गइलें राम के दोहइया,
नगरिया अजबे लागे हो राम। नगरिया.....
सीया सरमाई गइली पूछे सभ सखिया,
दूलहवा कइसन लागे हो राम। दूलहवा.....
मोहे महेन्दर सिया मधुरी बचनियाँ,
सनेहिया हमरो लागे हो राम। सनेहिया.....
