भारत की संस्कृति के लिए... भाषा की उन्नति के लिए... साहित्य के प्रसार के लिए
आंगणै री ओळ्यूं : दोय / दुलाराम सहारण
Kavita Kosh से
Neeraj Daiya (चर्चा | योगदान) द्वारा परिवर्तित 15:44, 20 नवम्बर 2013 का अवतरण ('{{KKGlobal}} {{KKRachna |रचनाकार=दुलाराम सहारण |संग्रह= }} [[Category:मूल र...' के साथ नया पन्ना बनाया)
मां,
कांई थूं भूलगी
उण बात नैं
जकी बूझी ही म्हैं
उणी साळ मांय
सीतळा धोकती बगत।
मांडै ही थूं
गारै लीप्योड़ी सोवणी भींत माथै
कोरै घड़ै सारै
हळदी-घी सूं सीतळा।
पैलपोत मांड्यो हो थूं
सीतळा रो व्हालो गधो,
माच्यो हो म्हारै कंवळै काळजै
घमसाण
कुण चढसी इण माथै
किणनै चढासी मां....?
मां,
हळदी सूं म्हारी फोटू मांय
फगत म्हैं ईज चढ सकूं इण माथै
क्यूं कै
इण नैं बणायो है- म्हारी मां।
मां,
म्हैं नीं समझ्यो थारी मुळक नैं
उण बगत
पण थूं दीन्हो हो म्हनैं भुळाय
थूं कैयो हो
आज चढसी सीतळा
चढसी कालै
थूं।
