भारत की संस्कृति के लिए... भाषा की उन्नति के लिए... साहित्य के प्रसार के लिए
भेळप / कन्हैया लाल सेठिया
Kavita Kosh से
आशिष पुरोहित (चर्चा | योगदान) द्वारा परिवर्तित 15:57, 28 नवम्बर 2013 का अवतरण ('{{KKGlobal}} {{KKRachna |रचनाकार=कन्हैया लाल सेठिया |संग्रह=हेमा...' के साथ नया पन्ना बनाया)
बैठग्यो आ’र कागलो
अडवै रै माथै
मार दो चार टांच
करली जांच
फेर कर’र कांव कांव
दियो पंखेरूआं नै नूंतो
आओ खेत चुगो,
देख’र करसो
फेंक्यो ताक ’र
गोफण स्यूं भाटा
हुग्या डर’र पंखेरू
बांध’र पंज्या करसो
टांग दियो मरोडयै कागलै नै
खेजडी पर
देख’र हुग्या निराई कागला भेळा
मचा दी कांगारोळ
मारै उड उड’र अडवै रै टांचां
कठै मिनख जात में इसी
संवेदणा’र भेलप ?
