भारत की संस्कृति के लिए... भाषा की उन्नति के लिए... साहित्य के प्रसार के लिए
परजातंतर / कन्हैया लाल सेठिया
Kavita Kosh से
आशिष पुरोहित (चर्चा | योगदान) द्वारा परिवर्तित 23:00, 28 नवम्बर 2013 का अवतरण ('{{KKGlobal}} {{KKRachna |रचनाकार=कन्हैया लाल सेठिया |संग्रह=हेमा...' के साथ नया पन्ना बनाया)
बड़ पींपळ
दोन्यूं पाड़ोसी
जद कद करै हताई
बड़ बोल्यो में ल्ूांठो ठाकर
तू तो है छुटभाई
बैठी आळै चीड़ी सोच्यो
बात करै अै कांई ?
ऊभो बूढो नीम कयो तू
सुणलै जणां बताई
पींपळ बोल्यो तू के जोगी
क्यां नै जटा बढा़ई ?
भूंडो लागै नहीं मिल्यो के
तनै कठेई नाई !
बड़लो चिड़ग्यो पींपळ कांई
अकल निसरगी थारी
मैं रूंखा रो राजा
थे हो सगला परजा म्हारी
कही नीम नै बात चिड़कली
बीं नै झूंझल आई
कठै रया अब राजा राणी
झूठी करै बडाई
बगत पळटग्यो
आज हिमालो बणग्यो जाबक राई,
बड़ कीं कैंतो
इण स्यूं पैली
आंधी जबरी आई
नाचण लागी ढूब
उतरगी बड़लै री सांडाई !
