भारत की संस्कृति के लिए... भाषा की उन्नति के लिए... साहित्य के प्रसार के लिए
आभो / कन्हैया लाल सेठिया
Kavita Kosh से
आशिष पुरोहित (चर्चा | योगदान) द्वारा परिवर्तित 23:00, 28 नवम्बर 2013 का अवतरण ('{{KKGlobal}} {{KKRachna |रचनाकार=कन्हैया लाल सेठिया |संग्रह=हेमा...' के साथ नया पन्ना बनाया)
लगावै आभो
रात रै काळूंस नै
उतारणै तांई
सूरज री स्याबण
पूंछै ऊजास रै गमछै स्यूं
आपरो डील
पैरै तावड़ै रो सोनल अंगरखो
घालै गळै में हंसा री कतार मिस
मूंघै मोत्यां रो हार
लेवै समदर कनै स्यूं
बादळ रो रमाल
देख’र भायलै दिन नै घाल ली
ठंठारीज्योड़ो हिमाळो
हूं’र गळगळो गळबाथ
