भारत की संस्कृति के लिए... भाषा की उन्नति के लिए... साहित्य के प्रसार के लिए
सरदार पटेल / कन्हैया लाल सेठिया
Kavita Kosh से
आशिष पुरोहित (चर्चा | योगदान) द्वारा परिवर्तित 21:57, 16 जून 2014 का अवतरण ('{{KKGlobal}} {{KKRachna |रचनाकार=कन्हैया लाल सेठिया |संग्रह=मींझर ...' के साथ नया पन्ना बनाया)
सिरदार हियै में प्यारो हो
म्है ऊपर स्यूं बिसरावै हा।
आ सही सिरोही आबू ले
बो बात करी चिणखावणरी,
पण रीत निभास्यां बड़कां री
बैरी रो घाव सरावणरी,
म्हे म्हांरो सपनूं उण स्यूं ही
फिर सांच कराणो चावै हा,
सिरदार हियै में प्यारो हो
म्हे ऊपर स्यूं बिसरावै हा।
पंडित पटेल री जोड़ी ही
बै साथ जुआड़ी साम्या हा,
आभै ने ऊपर बापूजी
नीचै अै धरती थाम्या हा,
म्हे फकत मौत ने भरमावण
माटी नै लोह बतावै हा
सिरदा हियै में प्यारो हो
म्हे ऊपर स्यूं बिसरावै हा।
पण मरै सरीरां साथ इसी
बो करी न कच्ची सिरदारी,
अी लात काळ री कड़तू में
इतिहास सुणैला सिसकारी,
नीवां तो आंख्या ओट हुई
पण माथो मै’ल उठावै हा,
सिरदार हियै में प्यारो हो
म्हे ऊपर स्यूं बिसरावै हा।
