पाग / कुंदन माली

1
गरीब री पाग
आप सूं आप
नीं उछलै़

2
पाग
इज्जत रो
बोझ ढोवै
पाग री आत्मा
सल़वटां रे बोझ
तलै़ दबी रेवै

3
पाग अत्याचारी री
हरेक डांट-फटकार नै
नाड़ नीची कर वणी री
पगथलि़यां नीचे जमीन री
हालत देखवा जोेग होवै

4
पाग जदी जदी, मनचायो
माथो चुणवा री कोसिस
करी पाग नै आपणो-
माथो, ठोकणो
पड़ियो

5
माथा पै
मेलवा ताईं
पाग टका सेर है

6
पाग, सबसूं
ऊंचै आसन
बैठबा खातर
आखी जिनगाणी
दांव पे ठेल देवै

7
पागड़ी, माथै चढ़ी
उमर भर इतरावेला
आपणी सन्तानां नै
कस्यो मूं डौ दिखावेला

8
पाग, गंगा नै
आपणो पूरबज
बतावै है
बराबर
धोई जावै है

9
पाग हरेक रो
वात पै भरोसो
क्यूं करै जद तक
वणी रो माथो
ठीक ठाक है

10
पागड़ी ने
धूला़ सूं
जनमजात ‘‘अेलर्जी’ हैं
किणनै राखै
किणनै चाखै
वणी री मर्जी है

11
घणा लोगां री पाग
घणा रै मन में
सकां रा बीज बोवे
पाग री पण
जात-न्यात होवै ?

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

पाग / कुंदन माली

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग