भारत की संस्कृति के लिए... भाषा की उन्नति के लिए... साहित्य के प्रसार के लिए
अेक सौ चौंतीस / प्रमोद कुमार शर्मा
Kavita Kosh से
आशिष पुरोहित (चर्चा | योगदान) द्वारा परिवर्तित 06:28, 4 जुलाई 2014 का अवतरण ('{{KKGlobal}} {{KKRachna |रचनाकार=प्रमोद कुमार शर्मा |संग्रह=कारो / ...' के साथ नया पन्ना बनाया)
म्हारै मून मांय
के ठा कांई है!
झांई है साच री हळकी-सी स्यात्
सूरज री तलास मांय हुवै ज्यूं परभात
अैड़ी'ज कोई ओळी है म्हारी कविता री
बाट जावै भीलणी ज्यूं राम अर सीता री
उणी ढाळ :
कोई म्हारो मून तोड़ो
सबद री सून तोड़ो
भाखा नैं दरकार है फेरूं अेक गीता री।
